LIFE WEEELoop proiektuak Basque Circular Summit 2025 ekitaldian parte hartuko du aktiboki. Jasangarritasunaren eta ekonomia zirkularrerako trantsizioaren arloan nazioartean garrantzitsuenetako bat den ekitaldi honek mundu osoko adituak, enpresak eta erakundeak bilduko ditu, arlo honetan egindako aurrerapenak eta praktika onenak partekatzeko.

LIFE WEEELoop proiektuaren presentzia nabarmena izango da kongresuan, bere estand propioarekin, proiektuaren eragina eta emaitzak partekatzeko topagune gisa. Horrez gain, hainbat hitzaldi indibidual egingo dira, hondakin elektronikoen birziklapenean eta balio handiko materialen berreskurapenean izandako azken aurrerapenak aurkezteko. Ekonomia zirkularrari dakarkion onuran jarriko da arreta berezia.

Horrez gain, LIFE WEEELoop-ek side event esklusibo bat antolatuko du, Europan gailu elektronikoen berrerabilerak eta birziklapenak planteatzen dituen erronka eta aukeretan oinarrituta. Ekitaldi horretan konsortzioko enpresetako arduradunek parte hartuko dute.

Proiektua kongresuko EXPO gunean ere izango da, eta bertan LIFE WEEELoop proiektuaren parte diren osagai birziklatuak eta software-soluzio berritzaileak erakutsiko dira. Erakusketa honek aukera paregabea eskainiko die bisitariei, hondakin elektronikoen balio-katea optimizatzeko ezarritako teknologia eta estrategiak zuzenean ezagutzeko.

LIFE WEEELoop proiektuaren partaidetzak jasangarritasunarekiko eta ekonomia zirkularrarekiko konpromisoa berresten du, eta erakusten du berrikuntzak eta lankidetzak hondakin elektronikoak gizartearentzat eta ingurumenarentzat baliabide baliotsu bihur ditzaketela.